Dövlət Tibbi-Sosial Ekspertiza və Reabilitasiya Agentliyinin kollektivi İkinci Şəhidlər Xiyabanını ziyarət edib

Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin kollektivi İkinci Şəhidlər Xiyabanını ziyarət edib.

Agentliyin əməkdaşları Ermənistan silahlı qüvvələrinin törətdiyi təxribatların qarşısının alınması zamanı şəhid olan qəhrəmanlarımızın məzarlarını ziyarət edib.

Ölkəmizin suverenliyi və ərazi bütövlüyü uğrunda gedən döyüşlərdə canlarından keçmiş şəhidlərimizin xatirəsi hörmət və ehtiramla yad edilib.

Dünya hərb tarixinə həkk olunan misilsiz döyüş qabiliyyəti nümayiş etdirərək şəhidlik zirvəsinə ucalmış qəhrəman igidlərimizin əziz xatirəsi xalqımızın qəlbində əbədi yaşayacaqdır.