Agentliyin əməkdaşları beynəlxalq lisenziya ilə təltif olunublar

Dövlət Tibbi-Sosial Ekspertiza və Reabilitasiya Agentliyinin psixoloqları üçün ForAzerbaijan Xeyriyyə təşkilatının APRİA (Azərbaycan Psixoloji Reabilitasiya Potensialının artırılması) layihəsi çərçivəsində beynəlxalq təlimlər təşkil edilib. 

Posttravmatik stress pozuntusunun müalicəsində geniş istifadə olunan Yazılı Ekspozisiya Terapiyası (YET) üzrə təşkil olunan təlimlər ABŞ-ın Müharibə Veteranlarının İşləri Departamentinin yazılı ekspozisiya terapiyası üzrə icraçı direktoru Brayn Marks tərəfindən icra edilib. 

Təlimlərin sonunda Agentliyin psixoloqları beynəlxalq lisenziya ilə təltif olunublar.